தமிழ்மணம் பாசிச பாதையில் அடியெடுத்து வைக்கிறது

தமிழ்மண ஐயன்மீர்,
நீர் என்னை நீக்க வேண்டுமென்றால் கெடு வைக்கவோ தனிமடல் அனுப்பவோ தேவையில்லை. தமிழ்மணத்தில் அறிவிப்பு அளித்து நீக்கிடலாம். நன்றி. இனி எனது கேள்விகள் அல்லது நேசகுமார் விசயத்தில் தமிழ்மணம் தரம் தாழ்ந்து பாசிச வெறியுடன் நடந்து கொண்டது குறித்து;

//தமிழ்மணத்தின் புதிய நிர்வாகிகள், அவரது ஐபி தகவல்களை வெளியிட்டு அவரை மாட்டிவிட்டுவிட்டார்கள் என்று எனக்கு ஒரு மடலும் வந்தது.//
இதில் உங்களை அவர் எங்கே குற்றம் சாட்டியிருக்கிறார். தனக்கு ஒரு மெயில் வந்ததை தெரிவித்திருக்கிறார். அவ்வளவுதான். வந்த மெயில் நம்பகமானது என்று அவர் சொல்லியிருந்தாலோ தன்னிடம் அதற்கு ஆதாரம் உண்டு என சொல்லியிருந்தாலோ நீங்கள் அவரை ஆதாரம் கேட்பதில் பொருளுண்டு. ஆனால் அவர் அப்படி சொல்லாத பட்சத்தில் ஆதாரத்தை தா என்றால் என்ன பொருள்? எதற்கான ஆதாரம்? அவருக்கு மெயில் வந்ததற்கான ஆதாரமா? இதென்ன பித்துகுளித்தனம்...ஆனால் இது ஒன்றும் அதிசயமில்லைதான். தமிழ்மணம் அடைந்திருக்கும் தொட்டால் சுருங்கித்தனத்தின் அல்லது தீண்டாமையின் முன்னேற்றம் இது. தமிழ்மணம் இதே பாதையில் போனால் அது விரைவில் ஒரு பக்க பதிவர்களை மட்டுமே வைத்து கும்மியடிக்கும் பாசிச திரட்டியாகவே மாறிடும் என அன்புடன் தமிழ்மண நிர்வாகிகளுக்கு கூறிட விரும்புகிறேன். தமிழ்மணத்துக்கு எதிராக திட்டமிட்டு சதி நடக்கிறதாம். திட்டமிட்டு தூசணைகள் பரப்பப்படுகின்றனவாம்...ஹூம் தமிழ்மண நிர்வாகிகளுக்கு இந்த அளவில் நேசகுமாரின் ஒரு பதிவினால் பிரச்சனை வருமானால் அதற்கான தீர்வு நேசகுமாரை நீக்குவதல்ல மாறாக பரானாய்ட் மனநிலைக்கான சிகிச்சைதான்.

//தமிழ்மணத்தினை, டிஎம்ஐ நிறுவனத்தினை அமைத்து அதன்கீழே தன்னாவர்த்துடன் இலாபநோக்கு எதுவுமின்றி நடந்தும் அங்கத்தவர்களுக்கும் //
அருமையான வரிகள். ஆனால் தமிழ்மணத்திலிருந்து வெளியாகும் பூங்கா எனும் ஒட்டுண்ணி இதழ் மூலம் ஒரு கருத்தியலை முன்னிறுத்தி (மாற்று கருத்துகளுக்கு இடமளிக்காமல்) பிரச்சாரம் நடத்துவதனை 'இலாப நோக்கு' (not in monetary terms) என்றே கருத வேண்டியுள்ளது. மேலும் இலாபநோக்கு இன்றி என்றால் 'தமிழ்மணத்தில் விளம்பரம் செய்யுங்கள்' என ஏன் ஒரு முத்து ஒளிருகிறது? இன்றைக்கு இலாபம் இல்லாத நிலையில் நடந்துகொண்டிருக்கும் தமிழ்மணம் இலாப நோக்கே வர்த்தக நோக்கே அற்றது என கூறிட முடியாது. எனவே இத்தகைய கழிவிரக்கம் எழுப்பும் சுயபிரஸ்தாபங்கள் தேவையற்றவை.
//எமது குடும்பம், தொழில் சார்ந்த அன்றாட வாழ்க்கை அழுத்தங்களுக்கிடையேயும் பரந்துபட்ட வலைப்பதிவுத்தமிழ்ச் சமூகத்தின் மீதுள்ள அக்கறையை முதன்மைக்குறிக்கோளாகக் கொண்டு அன்றாடம் எம் பொருள், நேரம், ஆற்றலைச் செலவிட்டு, இச்சேவையினை வழங்கி வருகிறோம் என்பதைப் பெரும்பாலான பதிவர்கள் புரிந்திருப்பார்கள் என உளப்பூர்வமாக நம்புகிறோம்.//
ஐயா வலைப்பதிவர்களுக்கும் குடும்பம் தொழில் எல்லாம் இருக்கத்தான் செய்கிறது. அவர்கள் நேரம் செலவிட்டு வலைப்பதிவுகள் நடத்தவில்லை எனில் நீங்களும் இல்லை. இது ஒரு symbiotic உறவு. எனவே மேற்படி 'குடும்பம் தொழில்' செண்டிமெண்டல்-தனங்கள் மறைமுகமாக 'எனவே எனக்கு நன்றியுடன் இருங்கள்' என்கிற பாடல் சிறிது சிறுபிள்ளைத்தனமாக இருக்கிறது.

சரி அதையெல்லாம் விடுங்கள். அது உங்கள் சொந்த கதை. ஆனால் தங்கள் கெடு-cum-விளக்கத்தில் கூறியுள்ள ஒரு வரி பிரச்சனையாக உள்ளது. "எமது செயற்பாடுகள் குறித்து தார்மீகக்காரணங்களுக்காக நாமே விரும்பினால்மட்டுமே தகவல்களைத் தாமாகவே எமது விதிமுறைகளுக்கமைய வந்திணைந்து கொள்ளும் பதிவர்களுக்குத் தரமுடியும்." தார்மீகக்காரணம் என தமிழ்மணம் எதைக்குறிப்பிடுகிறது? தார்மீகக்காரணத்துக்காக தமிழ்மண நிர்வாகிகள் விரும்பினால் உங்கள் விதிமுறைக்கொப்ப இணையும் பதிவர்களுக்கு எந்த தகவல்களை தருவீர்கள்? "அவை முறையான விண்ணப்பமூடே சட்டம் கொணரக் கேட்டாலன்றி, எந்நிலையிலுங்கூட, எவருடனும் பகிர்ந்துகொள்ளப்படுவதில்லை" என்கிற வரிக்கும் 'தார்மீகக்காரணங்களுக்காக நாமே விரும்பினால்' தகவல்களை அளிப்பேன் என்பதற்கும் வேறுபாடு இருக்கிறதல்லவா? இந்த தார்மீகக்காரணங்களுக்காக நீங்களே விரும்பி அளிக்கும் தகவல்களில் ஐ.பி அட்ரஸ் இத்யாதி அடங்குமா? நிற்க நீங்கள் ஐ.பி தகவல்களை கொடுத்திருக்க மாட்டீர்கள் என நான் உறுதியாக நம்புகிறேன். உங்கள் 'தார்மீகக் காரணங்களுக்கும்' 'நாமே விரும்பும்' விரும்பங்களுக்கும் அப்பால் அந்த அளவுக்கான நேர்மை எஞ்சியுள்ளது என்றே நினைக்கிறேன்.
தமிழ்மணம் Tor சேவை பெறும் பதிவர்களை தன்னில் இணைத்துக்கொள்வதில்லையாமே, கேள்விப்பட்டேன். உண்மையா எனில் அது ஏன்? பதிவர்களின் ஐபி அந்த அளவு தமிழ்மணத்துக்கு அவசியப்படுகிறதா? இது குறித்து தமிழ்மணம் ஒரு விளக்கத்தை அளிக்கும் என எதிர்பார்க்கலாமா அல்லது ஆட்டோ வில் அடியாள் கும்பலை அனுப்பி வீட்டை காலிபண்ண மிரட்டுவதை பாலிஷாக செய்து 24 மணிநேர பத்வா போட்டு பதிலளிக்குமா தமிழ்மண நிர்வாகிகளின் 'தார்மீக' உச்ச வரம்பு?
இதோ எனக்கு வந்த மடலினையும் இங்கு அளிக்கிறேன்:
TOR is an add on to the firefox browser. By enabling TOR, you can hide your IP address. The IP packets will travel through different computers around the world and will reveal someone else's IP. Thamizmanam has barred those using this service from utilising its services(for example adding a blog to thamizmanam). This has been done with a view to trace the actual IPs of thamizmanam users.

இத்தருணத்தில் தமிழ்மணம் நேசகுமாரை நீக்கியிருக்குமென்றால் அது தமிழ்மணம் பாசிசம் நோக்கிய தன் முதல் அடியை எடுத்து வைத்துள்ளது என்பது தெளிவு. விரைவில் கறுப்புசட்டையுடன் முஸோலினியாக ஈவெரா வீற்றிருக்க நடக்கும் திராவிட இனவெறி பாசிச அரசியல். விரைவில் அந்த நிலைப்பாட்டை எதிர்க்கும் வலைப்பதிவாளர்கள் நான் உட்பட வெளியே தள்ளப்படும் நாளை ஆவலுடன் வரவேற்கிறேன். அவ்விதத்தில் தமிழ்மணம் குறித்த என் கணிப்பு சரியாயிற்று என்பதில் ஆனந்தமே.