ஒரு இஸ்லாமிய இளைஞரின் வந்தேமாதர திருமணம்

ஏப்ரல் 2007 இல் ஆக்ராவில் ஒரு இஸ்லாமிய திருமணம். திருமண ஊர்வலத்தில் ஒரு இசைக்குழு பாடல்களை பாடிக்கொண்டு செல்கிறது. அனைத்தும் தேசபக்தி பாடல்கள். இறுதியில் வந்தேமாதரம் இசைக்கப்படுகிறது. முஸ்லீம் மற்றும் இந்து இளைஞர்கள் தேசியக்கொடியுடன் அப்பாடலுக்கு நடனமாடுகின்றனர். திருமண வைபவத்தில் தேசபக்தி? ஆம்... சாதாரண தேசபக்தி அல்ல. சோதனைகளை தாண்டி தேசபக்தியை தூக்கிப்பிடித்த இரு மனங்களின் இணைப்பு விழா அது! ஆகஸ்ட் 2006 இல் குல் சமன் செர்வானி என்கிற இஸ்லாமிய இளைஞர் வந்தேமாதர நூற்றாண்டு கொண்டாட்டங்களில் கலந்து கொண்டார். வந்தேமாதரம் பாடினார். வெகு சீக்கிரமாக அந்த இளைஞருக்கு பத்வா விதிக்கப்பட்டது. மட்டுமல்ல அவருக்கு அப்போது திருமணம் நிச்சயிக்கப்பட்டிருந்தது. அந்த திருமண நிச்சயமும் முறிக்கப்பட்டது. மதத்துக்கு ஒரு நீதி என ஓட்டு வங்கிகளுக்கு சோரம் போகும் அரசியல்வியாதிகளால் மதச்சார்பின்மையின் பெயரால் நீதிமன்றங்களே அடிப்படைவாதிகள் முன் மண்டியிட வைக்கப்பட்டுள்ள சூழ்நிலையில் ஷெர்வானி இந்த அநியாயத்துக்கு எதிராக தனிமனிதனாக குரல் கொடுத்தார். ஒரு நாள் உண்ணாவிரதத்தை கூட காலையில் ஒன்பது மணிக்கு வந்து 11 மணிக்கு முடித்துவிட்டு ஓடும் மஞ்சள்துண்டு அரசியல்வியாதிகள் வாழுகிற நாட்டில் ஒரு நாள் இருநாளல்ல 10 நாட்கள் அன்ன ஆகாரமின்றி வந்தேமாதரம் பாடியதற்கு கிடைத்த தண்டனைக்கு எதிராக உண்ணாவிரதம் இருந்தார் ஷெர்வானி. இந்நிலையில் மதவெறியைக் காட்டிலும் தேசபக்தி பெரிது என அவரைப்போலவே நினைக்கிற வந்தேமாதரம் பாடதயங்காத ஒரு இஸ்லாமிய பெண்மணி அவரை கணவராக ஏற்றுக்கொள்ள முன்வந்தார். நஸ்மா எனும் அப்பெண்மணியும் ஷெர்வானியும் மணவிழாவில் இணைந்தனர. உள்ளூர் இஸ்லாமிய அடிப்படைவாதிகளுக்கு இது பொறுக்கவில்லை. ஓட்டுப்பொறுக்கிகளுக்கு தங்கள் சமுதாய வாக்குகளை விற்று பிழைக்கும் இந்த அடிப்படைவியாதிகள் நஸ்மா மைனர் பெண் என புகார் கொடுத்தனர் (மைனர் பெண் திருமணம் குறித்து இஸ்லாமிய அடிப்படைவாதிகள் புகாரா என வியக்காதீர்கள். சவூதியிலும் மலேசியாவிலும் பாகிஸ்தானிலும் இல்லாத மனித உரிமைகளுக்கு வக்காலத்து வாங்கிக்கொண்டே இந்தியாவில் மதானி போன்ற கொலைகார வெறியர்களுக்கு மனித உரிமை பிலாக்கணம் பாடுவது ஜிகாதிகளுக்கே உரிய இரட்டை நாக்குப் போக்கு. இந்த ஜிகாதிகளிடம் இணைந்து இந்துத்துவத்தை எதிர்ப்போம் என்று குரல் கொடுப்பது போலி-அறிவுசீவிகளின் சோரத்தனம்...அதாவது சூரத்தனம்) ஆக காவல்துறை வந்தது. வந்தேமாதரமும் இதர தேசபக்தி பாடல்களும் முழங்கியபடி இருக்க காவல்துறை சான்றிதழ்களை சரிபார்த்தது. பின்னர் நஸ்மா 18 ஆண்டுகள் ஆறுமாதங்கள் ஆன மேஜர் என உறுதிப்படுத்தியது. அடிப்படைவாதிகள் செய்த சோதனைகளுக்கு அப்பால் தேசபக்தியில் இணைந்தன இரு உள்ளங்கள். ஷெர்வானி கூறுகிறார்: "நாங்கள் என்றென்றைக்கும் வந்தேமாதரத்தை பாடுகிறோம். என் மனைவியும் இணைந்து வந்தேமாதரத்தை பாடுகிறார். இந்தியனாக பிறந்த ஒவ்வொருவரும் கட்டாயமாக வந்தேமாதரம் பாட வேண்டும்." சாதி பார்த்து சமுதாய அந்தஸ்து பார்த்து இணைக்கப்படும் திருமணங்களை விட தேசபக்தியால் இணைந்த இந்த உண்மையான பாரதிய உள்ளங்களை பாரதி தினத்தன்று வாழ்த்துவோம்.
வந்தேமாதரம்

ஒன்றாய் நின்றினி வென்றா யினுமுயிர்
சென்றா யினும்வலி குன்றா தோதுவம்
வந்தே-மாதரம்-ஜய
வந்தே மாதரம்.
-மகாகவி பாரதி