வேதமும் பாலியல் பதங்களும்

அண்மைக்காலமாக வேத சடங்குகள் குறித்து சில இந்து தரும விரோதிகள் இந்து சமுதாய வெறுப்பியலாளர்கள் தவறான தகவல்களை பிரச்சாரம் செய்கிறார்கள். சிலர் இணையத்திலும், அக்னி கோத்ரம் தாத்தாச்சாரி என்கிறவர் நக்கீரன் இதழ் மூலமாகவும் இந்த வெறுப்பியல் பிரச்சாரத்தை செய்து வருகின்றனர். இவர்கள் செய்வது உண்மையில் ஏற்கனவே வெள்ளைக்கார இந்தியவியலாளர்கள் கழித்து போட்ட விசயத்தைதான் எடுத்து மீள்-பிரச்சாரம் செய்கிறார்கள். ஆனால் இவர்கள் ஒன்று புரிந்துகொள்ள வேண்டும். மீள்-சுழல வைப்பது (recycling) - குறிப்பாக குப்பைகளை- நல்லதுதான். ஆனால் அது பௌதீக கழிவுகளை. பிரச்சார குப்பைகளை மீள் சுழற்சி செய்வதால் எந்த பிரயோசனமும் இல்லை. ஆனாலும் இந்த பொய்களை தோலுரிப்பது அவசியமாகிறது.

முதலில் வேதங்களை இந்துக்கள் எவ்வாறு நோக்குகிறார்கள் என்பதனை இந்த வெறுப்பியல் வெறியர்களால் புரிந்து கொள்ள முடியவில்லை. குரானை போல வேதங்களை இந்துக்கள் நோக்கவில்லை. வேதம் பல தள பொருட்களை உடையது என்பதையும் பல படிமங்களை கொண்டது என்பதனையும் இந்துக்கள் அறிவார்கள். அஸ்வமேதம் குறித்து வேதங்களில் ஒருபகுதியான உபநிடதம் என்ன கூறுகிறது என்பதனை இத்தகைய வெறுப்பியல் பிரச்சாரகர்கள் விட்டுவிடுகின்றனர். உள்ளது உள்ளபடி கூறுவதானால் இவர்கள் என்ன செய்ய வேணும்? அக்னி ஹோத்ரி தாத்தாச்சாரி வேதம் படித்தவ'ர்'தானே? வேதவித்துகளின் பரம்பரையில் வந்தவர்தானே! (தான் வேதவித்துகளின் பரம்பரை என ஒருவன் சொன்னால் அதனால் அவனை பெரியவனாக பார்க்கமுடியாது. அப்படிப்பட்ட பரம்பரையில் தெருப்பொறுக்கித்தனமான ஒருவனும் பிறக்ககூடாது என விதி எதுவும் இல்லை. இதற்கு தாத்தாசாரியே சாட்சி. அதே நேரத்தில் பாணர் வீட்டிலும் பகவான் அவதரிப்பார் பறையர் வீட்டிலும் பகவான் அவதரிப்பார் என அரசனின் வாளுக்கு அஞ்சாமல் உறைத்த பூவண்டர் இந்து தருமத்தில் தோய்ந்தவர். இந்த இந்து தரும உயர்வெல்லாம், உண்மையெல்லாம் தாத்தாசாரி போன்ற மலரையும் மலமென பிதற்றி திரியும் மனநோயாளிகளுக்கும் தாத்தாசாரியின் ஈவெரா சிங்கிகளுக்கும் தெரியாது.) அதை சொல்லி பெருமை அடித்துக்கொள்ள தெரிந்தவர்தானே. காஞ்சி பரமாச்சாரியாரிடம் தெண்டி பிழைத்தபோது வாயை மூடி மௌனமாக இருந்து இப்போது உடலிலிருக்கும் சகல துவாரங்களாலும் ஓசை எழுப்ப அந்த செல்லா ஓசையினை மூக்கைப்பிடித்தபடி நாம் கேட்க வேண்டியிருக்கிறது தானே! அவர் கண்ணியமானவனாக இருந்திருந்தால் என்ன செய்திருக்க வேண்டும்? அஸ்வமேத யாகத்துக்கு உண்மையில் வேறு அக-உருவகத்தன்மையும் உண்டு அது உபநிடதங்களிலேயே சொல்லப்பட்டிருக்கிறது. சம்பிரதாய நம்பிக்கைப்படி இராமாயணத்துக்கு முந்தைய உபநிடதங்களிலேயே சொல்லியிருக்கிறது. எனவே அசுவமேத யக்ஞத்திற்கு இப்படி அசிங்கமாக பொருள் கொள்வது தகாது என சொல்லியிருக்க வேண்டுமா இல்லையா? ஆனால் அப்படி செய்யாமல் தன்னை வேதம் தெரிந்தவன் என சொல்லிக்கொண்டு இப்படி பாதி உண்மைகளை முழு பொய்யாக புளுகியுள்ளானே இவரை என்னவென்று சொல்வது.

உபநிடதங்களிலேயே மிகவும் பழமை வாய்ந்ததாக கருதப்படும் பிருஹுதாரண்ய உபநிடதம் இதனைச் சுட்டிக்காட்டுகிறது: " சுடர்விட்டு பிரகாசிக்கும் ஆதவனே அஸ்வமேத யக்ஞமாகும். அவனது உடலே ஆண்டு ஆகும். அக்னி தேவனே வேள்வியின் நெருப்பு ஆகும். இந்த உலகங்கள் அவன் உடலாகும். இவை இரண்டுமே மீண்டும் ஒன்றாகும் தேவதை நெருப்பு ஆகும். (பிருஹுதாரண்யம் 1.2.7.) அவதூத உபநிடதமும் அசுவமேத யக்ஞம் என்பது அகத்தினில் நடத்தப்படுவது என்பதனை கூறுகிறது. பேராசிரியர் சுபாஷ் கக் அசுவமேத யக்ஞம் வானவியல் நிகழ்வுகளின் அடிப்படையில் அமைவது என்கிறார்.

சரி அகப்பொருளை விடுவோம். அதனை சொல்லாமல் குறிப்பிடாமல் விட்டுவிட்டு செல்லும் நேர்மையின்மையை விடுவோம். இந்து தருமத்தை வெறுக்கும் இந்த வெறுப்பியல் பிரச்சாரகர்களுக்கும் நேர்மைக்கும் ஒளி ஆண்டுகள் தூரமுண்டு என்பது மீண்டும் மீண்டும் இந்த வலைப்பதிவில் நிரூபிக்கப்பட்ட விஷயம்தான். ஆனால் அசுவமேத யக்ஞ்த்தில் குதிரையுடன் அரசனின் மனைவி புணர்ந்தாள் என்பதற்கு எவ்வித ஆதாரத்தினை இந்த மேன்மக்கள் காட்டுகின்றனர் என்பதுதான் நகைப்புக்குரியது. வேத சடங்குகளில் வரும் சில பாலியல் வசை/பகடித்தன்மை கொண்டதாக பொருள் கொள்ளப்பட்டுவிட்ட வரிகள். ஏதோ இந்து தருமத்தின் சாராம்சமே தைத்திரீய சம்கிதையின் சில வரிகளில்தான் தொங்குவது போல. இது ஒரு விசித்திர மனவியாதி எனலாம்.

நாட்டார் வழக்குகளிலும் இத்தகைய வழிபாட்டுமுறைகள் உள்ளன. இந்த வழிப்பாட்டுத்தன்மைகளை இதே ஆசாமிகள் வேத தருமத்துக்கு மாறுபட்டது என முன்வைப்பார்கள். ஆனால் அத்தகைய வழிபாட்டுமுறைகளும் வேதபாரம்பரியத்தினால் ஏற்கப்படுபவையே எனும் எளிய உண்மையினை ஏற்காமல் இவர்கள் திடீரென கேடுகெட்டத்தனமாக விக்டோரிய மாரலிஸ்டுகள் ஆகிவிடுவார்கள். இதே அளவுக்கோலை இவர்களுக்கு பல்லாயிரம் கோடிக்கணக்கான டாலர்கள் செலவில் பரப்பப்பட்டுவரும் கிறிஸ்தவ மதத்திற்கு எதிராக காட்டமுடியுமா என்றால் நிச்சயமாக இல்லை. சாலமோன் ராசாவின் உன்னதப்பாட்டில் வரும் வரிகள் தகாத குடும்ப பாலியல் உறவுகளை காட்டுவதாக அமைகிறது எனவே கிறிஸ்தவத்தின் அடிப்படையே அதுதான் என இவர்களால் இதே அளவுகோலை அங்கே நீட்டமுடியுமா? ஏசுவின் இரத்தம் கோப்பையில் அருந்தப்படுகிறது. கோப்பை கருப்பையின் குறியீடு எனவே அதில் இருக்கும் ஏசுவின் இரத்தம் ஏசுவின் விந்து ஆகும். எனவே புனிதப்பலி என்பது விந்து அருந்தும் சடங்கு என (தொடக்ககால ரோமானிய விமர்சனங்களில் ஒன்றே கிறிஸ்தவம் கூட்டு பாலியல் சடங்குகளைக் கொண்டிருந்தது என்பது) இவர்கள் பேசுவார்களா? இப்படியெல்லாம் பேசுவது அருவெறுப்பான வக்கிரமன்றி வேறென்ன? பாலியல் ரீதியான சடங்குகள் இருந்திருக்கலாம் ஆனால் அவை அப்படியே இருந்தனவா அல்லது பரிணாமமடைந்து மாறியதா? பழம் இனக்குழு மக்களின் சடங்குகள் அவை. அவை வேதங்களால் அழிக்கப்படவில்லை. ஆனால் அவை நிச்சயம் உருமாற்றம் அடைந்தன. இதைத்தான் உபநிடதங்கள் காட்டுகின்றன. இதனை இராமயணத்திலும் காண்கிறோம். நான்கு மனைவியரால் நடத்தப்படும் சடங்காக இருந்த அசுவமேதம் ஸ்ரீ ராமரின் காலத்தில் ஒரே மனைவியைக் கொண்டு நடத்தப்படும் சடங்காக மாறிவிட்டது. அந்த மனைவியும் கூட ஒரு பிரதிமையால் உணர்த்தப்படுகிறாள் அவ்வளவே. சடங்கு சம்பிரதாயங்கள் மானுட சமுதாயத்தின் பரிணாம வளர்ச்சியில் மாறிக்கொண்டே வருகின்றன. சடங்காச்சாரங்கள் அவசியமானவை சிலருக்கு. ஆனால் அதுவே தருமமாகாது. வேதங்களின் தேவையையே ஸ்ரீ கிருஷ்ணர் நிராகரிக்கிறாரே பகவத் கீதையில். அதனையே வேத சாரம் என கருதுகிறோமே. வேத பாரம்பரியத்தினை ஏன் மிக முக்கியமானதாக மதிக்கிறோம்? ஏன் சுவாமி தயானந்தரும் சுவாமி விவேகானந்தரும், மகரிஷி ஸ்ரீ அரவிந்தரும், மகாத்மா காந்தியும் வேதங்களை மதித்தனர்? அவற்றின் மகாவாக்கியங்களுக்காக. 'ஏகம் சத் விப்ரா பகுதா வதந்தி', 'அகம் ப்ரம்மாஸ்மி', 'ஈஸாவாஸ்யம் இதம் சர்வம்', 'தத்வமஸி' - இந்த வேத மகாவாக்கியங்களே இந்து தருமத்தின் இந்து சமுதாயத்தின் இன்றைய இயக்கத்தினை நிர்ணயம் செய்துள்ளன. ஐயா வைகுண்டரின் அத்வைத முழக்கம் அதையே சொல்கிறது. மாதா அமிர்தானந்த மயின் சேவை அதையே சொல்கிறது. ஈஸாவாஸ்யம் இதம் சர்வம் என சர்வத்திலும் இறையைக் காணும் தெய்வீகப்பார்வை இன்று அரவிந்த் கண்மருத்துவமனையாக பிரகாசிக்கிறது. வேதத்தினால் உந்துதல் பெற்ற இந்து தரும அற நிலையங்கள் எல்லாம் அசுவமேத யாகம் நடத்திக்கொண்டிருக்கவில்லை. அறத்தொண்டாற்றிக்கொண்டிருந்தார்கள். வேள்விகளின் அகத்தியல் உட்கிடக்கை வேறு. அவற்றின் புறச்சடங்குகள் வேறு, புறச்சடங்குகள் மாற்றம் பெறும், அகவேர்களே அதன் ஊத்வேகமாக அமையும். இவற்றினை அறியும் திறனற்று மலர்களில் மலநெடி நாடி நடக்கும் அஃறிணைகளுக்கோ - என்ன சொல்ல ஐயோ பாவாம் அவர்கள் செல்லாத ஓசையை வெளியிட்டுக்கொண்டிருக்கட்டும் நாம் மூக்கை பொத்தி விலகி நடப்பதுதான் இயலும்.

என்றாலும் இந்த செல்லாத ஓசைகளின் 'வேசை நசுறாணி'த்தனம் (அன்னிய பரப்பிகளுக்கு ஐயா வைகுண்டரே அளித்த பெயர் இது. வேசைத்தனம் கொண்டவர்கள்.) கண்டு நாம் ஆத்திரம் கொள்ளக்கூடாது. ஏனெனில் இவர்கள், தாத்தாச்சாரி, ஈவெரா போன்றவர்கள் தம் இயல்பில் வக்கிரமான பாலியல் பிறழ்வு கொண்டவர்கள். தாத்தாச்சாரி என்கிற கிழடுக்கு தீடிரென காமரீதியாக அனைத்தையும் பார்க்க தோன்றிவிட்டது போன்றும். இப்படிப்பட்ட கீழ்த்தரம் ஒரு குறளை பார்க்கிறதென வைத்துக்கொள்வோம் 'மக்கள் மெய்தீண்டல் உடற்கின்பம்' இதனை அது எப்படி பார்க்கும்? இதுதான் பகுத்தறிவுத்தனமா? சரி மற்றொரு செக்ஸ் பெர்வர்ட்டை எடுத்துக்கொள்வோம். அந்த ஆளைப்பற்றி அவனது சிங்கியடியே கொடுக்கும் உண்மை இது: தன் பொஞ்சாதி கோவிலுக்கு போவ்தை நிறுத்த பெர்வர்ட் ஆசைப்பட்டானாம். அப்படி என்றால் பிறக்கும் போதே பகுத்தறிவுவாதி என்றி பீத்திக்கொண்டு திரிஞ்ச இவன் என்ன செய்திருக்க வேணும்? பொஞ்சாதியை கூப்பிட்டு பகுத்தறிவோடு வாதாடி அவளை சம்மதிக்க வைத்திருக்க வேண்டும். ஆனால் அதற்கு இவனுக்கு வக்கில்லை. இவன் செய்த கீழ்த்தர செயலை கேளுங்கள்...தமிழர் தலைவர் நூலில் சாமி.சிதம்பரனார் சொல்லுகிறார்: "நாகம்மையார் சிலபெண்களுடன் கோவிலுக்கு சென்றிருந்தார். இராமசாமியாரும் தன் கூட்டாளிகளுடன் கோயிலுக்குச் சென்றார். தான் மைனர்கோலம் பூண்டு நாகம்மையாரை தன் கூட்டாளிகளுக்கு காட்டி "இவள் யாரோ புதிய தாசி நமது ஊருக்கு வந்திருக்கிறாள். இவளை நம் வசமாக்கவேண்டும்.நீங்கள் அவள் நோக்கத்தை அறிந்து கொள்ளவேண்டிய முயற்சிகளை செய்யுங்கள்." என்று கூறினார்." இந்த ராம்சாமி வேறு யாருமில்லை. இவந்தான் ஈவெராமசாமி. இவன் தான் பகுத்தறிவு தந்தையாம். தூ. இப்படி சொந்த பொண்டாட்டியை கூட்டாளிக்கு கூட்டி கொடுக்க முயன்ற காமாந்தகாரனை தந்தை என சொல்லுகிற ஓசை விடுகிற செல்லா காசுகள் அசுவமேதயாகம் பற்றி எழுதினால் பிறகு அவனுக்கு எப்படி எழுத வரும்?