முத்து காமிக்ஸும் காம்ரேட் காரத்தும்

முத்து காமிக்ஸுக்கும் காம்ரேட் காரத்துக்கும் என்ன தொடர்பு? மொட்டைத்தலைக்கும் முழங்காலுக்கும் ஏன் முடிச்சு என்கிறீர்களா? ஹி ஹி...தோழர்..சகாவு...காம்ரேட் காரத் திருவாய் மலர்ந்தருளியிருக்கிறாரே 'லெனினை ஹிட்லருடன் தொடர்பு படுத்துபவன் மூட்டாள்' என்று...ஆனால் முத்து காமிக்ஸ் சில ஆண்டுகளுக்கு முன் வெளியிட்ட தீபாவளி மலரில் தென்னமரிக்காவில் நடக்கும் புரட்சிகளின் உண்மை உள்குத்துக்களை காமிக்ஸாக வெளியிட்டது. சரி. காமிக்ஸ் என்றால் சின்னபசங்க சமாச்சாரம் எங்களை மாதிரி அறிவு ஜீவிங்க அதை படிக்கிறது எல்லாம் Below our dignity அப்படீன்னு நினைக்கிற ஆத்மாக்கள் எல்லாம் ஒரு தடவை ஜோரா கைதட்டிட்டு விலகி போயிடலாம். சரியா மத்தவங்க தொடர்ந்து படிக்கலாம். நம்ம முத்து காமிக்ஸ் ஆசிரியர் விஜயன் இருக்கிறாரே காமிக்ஸ் உலகத்துல புரட்சி செய்யணும்னு ரொம்ப ஆசை படுறவருங்க. அதனால அவர் பல ஆண்டுகளா XIII அப்படீங்கிற நினைவாற்றலை இழந்த ஒரு ரகசிய உளவாளி (அல்லது பலிகிடாவோட) சோக கதையை முத்துக்காமிக்ஸ்ல சீரியலைஸ் பண்ணிட்டு வாரார். பல அரசியல் உள்ளாட்டங்களை வெளிப்படுத்துகிற அந்த கதையை படிக்கிறதுனால அமெரிக்க அரசியலில் ஓடுகிற பல உள்ளோட்டமான விசயங்களை புரிஞ்சுகிட முடியும். உதாரணமா மக்கார்த்தே காலத்தில் நிலவிய கண்மூடித்தனமான கம்யூனிச எதிர்ப்பு அதன் பெயரால் சாதாரண இடதுசாரி சிந்தனையாளர்களைக் கூட தூக்கில் போட்ட விதம், கறுப்பின மக்களுக்கு எதிராக தீயாக எரிஞ்ச கு க்ளக்ஸ் க்ளான் வெறிக்கும்பலின் இயக்க வரலாறு, அதில் பெரிய அரசியல் வாதிகள் சம்பந்தப்பட்டிருந்தது (உங்களுக்கு தெரியுமா கொஞ்ச வருசங்களுக்கு முன்னாடி ரிப்பப்ளிக்கன் ஜனாதிபதி வேட்பாளரா தேர்ந்தெடுக்கப்படவிருந்த டேவிட் ட்யூக் அப்படீங்கிற ஆசாமி கு க்ளக் க்ளான் உறுப்பினர் என தெரிஞ்சதுனால ஜனாதிபதி ஆக முடியலை. ஆனா அந்த ஆள் இப்பவும் தீவிர யூத வெறுப்போட இயங்கிட்டுத்தான் இருக்கிறார். நம்மூர் அருந்ததி ராய் செப்டம்பர் 11 குறித்து எழுதின கட்டுரையும் இந்த ஆசாமி எழுதின கட்டுரையையும் பக்கத்துல பக்கத்துல வச்சா ஆறு வித்தியாசம்தான் பார்க்கணும்.) அப்புறம் ஜனாதிபதி கொலை முயற்சியில் அமெரிக்க உளவுத்துறை இராணுவம் மாதிரிப்பட்ட அமைப்புகளில் மேல் மட்ட ஆசாமிகளே இடம் பெற்றிருந்தது என பல விசயங்களை இந்த காமிக்ஸ் தொடர் வெளிப்படுத்தியது. நம்ப முடியாத ஆனால் நம்பாமலும் இருக்க முடியாத பல விசயங்கள் இந்த தொடரில் வெளிப்பட்டன. பல புனித பிம்பங்களை உடைக்கிற காமிக்ஸ் இது. அமெரிக்க ஜனாதிபதி இதில் ஒரு அல்டிமேட் வில்லன் என நினைவில் வைத்துக்கொள்ளுங்கள். இது நிச்சயமாக வலதுசாரி 'தசை வலு கொண்ட வெள்ளைக்கார ஹீரோ' கதை அல்ல. இதை வாசித்தால் அரசியல் நிகழ்வுகளில் இருக்கக் கூடிய பல உள்குத்துக்கள் உங்களுக்கு புலனாகும். (இந்திய இறையாண்மைக்காக அணு சக்தி ஒப்பந்தத்தை எதிர்ப்பதாக சொல்லி இறுதியில் சீனாவுக்கு உதவி செய்யத்தான் எதிர்த்தோம் என காம்ரேட்டு காரத் சொன்னது போல). சரி இந்த குறிப்பிட்ட கதை தென்னமெரிக்க புரட்சிகளின் உள்ளே ஓடும் பல உள்ளோட்டங்களை வெளிப்படுத்துகிறது. இதில் க்யூபாவுக்கு போய் பயிற்சி பெற்று புரட்சிகளை நடத்தும் ஒரு ஆசாமி வருகிறான். இந்த சோசலிச 'புரட்சிக்கு' பொருள் உதவி கொடுப்பது யாரென நினைக்கிறீர்கள்? கீழே உள்ள பானல்களைப் பாருங்கள். குடும்ப பொலிட் பீரோ நடத்தும் காம்ரேட் காரத் அண்ணாத்தை முத்து காமிக்ஸை தடை செய்ய சொல்லமாட்டார் என்றும் குடும்ப அரசியல் நடத்தும் மஞ்சள் துண்டு மைனர் அதை சிரமேற்கொண்டு தடை செய்ய மாட்டார் என்றும் நம்புகிறேன்.
இனி காமிக்ஸிலிருந்து சில காட்சிகள்: [நன்றி : முத்து காமிக்ஸ்]கீழே காணும் பேனல்களில் ஒரு அறிவுஜீவி இடது சாரி 'வரலாற்றாசிரியர்' உண்மையில் எப்படி அமெரிக்க பெரு முதலாளிகளின் கைக்கூலியாக இருக்கிறார் என்பது வெளியாவதைப் பாருங்கள்:
இது வரை காமிக்ஸ். இனி காம்ரேட்டு காரத்தின் அமெரிக்க எதிர்ப்பு பின்னணி என்ன? குடும்ப பாலிட் பீரோ உறுப்பினர் அண்ணாத்தை காரத்து ஒப்புக்கொண்ட படி எல்லாம் சீனா தனிமைப் பட்டுவிடக்கூடாதே என்றுதான் அணு ஒப்பந்தத்தை எதிர்த்தாராம். ஆனால் இங்கே பாருங்கள் சீனா அமெரிக்காவுடன் வர்த்த ரீதியாக கட்டித்தழுவுவதை. அதாவது அமெரிக்காவுடன் இலாபகரமான ஒப்பந்தங்கள் செய்வதில் சீனாவுக்கு போட்டியாக இந்தியா வந்துவிட கூடாது என்பதற்காக நடத்தப்படும் நாடகங்கள்தான் இந்தியாவில் அம்மா காரட்டும் அய்யா காரட்டும் போடுகிற அமெரிக்க எதிர்ப்பு கூத்தடிப்புக்கள். சில நேரங்களில் காம்ரேடுகள் காமிக்ஸ் த்ரில்லர்களையும் மிஞ்சி விடுகிறார்கள். உதாரணமாக சீன-அமெரிக்க நட்புறவு இணையதளத்தில் எப்படி சீனாவும் அமெரிக்காவும் ஆசியாவை பங்குபோட்டுக்கொள்ள -அதில் ஜப்பான் இந்தியா போன்ற நாடுகளை 'அவற்றுக்கு உரிய' இடத்தில் வைக்க- சீன-அமெரிக்க ணு ஆயுதக் கூட்டுறவு தேவை என்பது வலியுறுத்தப்படுகிறது. ஆக, அந்நிய சித்தாந்தங்கள் அந்நிய இறையியல் ஆகியவற்றால் ஏமாளி ஆகி நிற்கிறது அப்பாவி இந்தியா. லால் சலாம் அமெரிக்கா! லால் சலாம் சீனா!

[Disclaimer: இந்த வலைப்பதிவினுடைய அரசியல் சமுதாய பார்வையையோ அல்லது இந்தகுறிப்பிட்ட இடுகையின் அரசியல் சமூக பார்வையையோ முத்து காமிக்ஸோ அல்லது அதன் ஆசிரியர் விஜயனோ அல்லது XIII காமிக்ஸ் கதை ஆசிரியர்களோ ஏற்கிறார்கள் என்று இந்த வலைப்பதிவு கருதவில்லை.]

[பின்குறிப்பு: இரத்தப்படலம் எனும் தலைப்பில் வெளியிடப்பட்ட இந்த அருமையான பொலிட்டிக்கல் மற்றும் சாகச த்ரில்லர் முழுமையாக ரூ 200 விலையில் 800 பக்கங்களுடன் 2008 இல் முத்துகாமிக்ஸின் சகோதர காமிக்ஸான (இதுவும் விஜயனின் brain child தான்) லயன் காமிக்ஸால் வெளியிடப்படுகிறது. தமிழ் காமிக்ஸ் வரலாற்றில் இது ஒரு முக்கிய மைல்கல்லாக திகழும் என்பதில் ஐயமில்லை. ஆசிரியர் விஜயனின் காலதாமதங்கள் புகழ்பெற்றவை என்றாலும் இந்த காமிக்ஸ் பொக்கிஷத்தை முன்பதிவு செய்ய விரும்புபவர்கள் கூரியர் சர்வீஸ் மூலம் பெற்றிட ரூ 225 பதிவுத்தபால் மூலம் பெற்றிடரூ 230. தரமான மொழி பெயர்ப்பு மற்றும் அழகிய ஓவியங்கள். ஆர்டர் அனுப்ப வேண்டிய முகவரி: பிரகாஷ் பப்ளிஷர்ஸ், 8/D-5 சேர்மன் பி.கே.எஸ்.ஏ.ஏ ரோடு, அம்மன் கோவில்பட்டி, சிவகாசி-626189 மின்னஞ்சல்: lion@vsnl.com. தாமதங்களுக்கு இவ்வலைப்பதிவு பொறுப்பல்ல. இவ்வலைப்பதிவு எவ்விதத்திலும் முத்து காமிக்ஸுடனோ லயன் காமிக்ஸுடனோ அதிகாரபூர்வ தொடர்புடையதில்லை.]

இமயமலையும் உலகம் வெப்பமடைதலும் : இஸ்ரோ ஆய்வுகள்

காற்று மண்டல சூடேற்றம் என்பது இன்றைக்கு நிரூபிக்கப்பட்ட உண்மையாகிவிட்டது. இதனால் பாரத தேசம் அடைகிற/அடையப்போகிற பிரச்சனைகள் இப்பொழுதே நம்மால்
கையாள முடியாத நிலைக்கு சென்று கொண்டிருக்கிறதோ என தோன்றுகிறது. இந்நிலையில் பாரதத்தின் இமாலய மலைத்தொடரின் பெரும்பனிப்பாறை அமைப்புகள் - நம் வற்றாத
ஜீவநதிகளின் ஜீவாதாரமாக அமைபவை- அடைந்துள்ள மாற்றங்கள் நமக்கு இந்த பிரச்சனையின் ஆழத்தையும் பூதாகாரத்தையும் நமக்கு உணர்த்துகின்றன. இஸ்ரோ அமைப்பின் ஆழமான ஆய்வுகள் இது குறித்து சில முக்கிய தரவுகளையும் ஆராய்ச்சி முடிவுகளையும் ஒட்டுமொத்த பாரத சமுதாய மக்கள் முன் வைத்துள்ளது. நம் அரசியல்வாதிகள், ஊடகங்கள், வெகுஜனங்கள், இணையத்தில் உலாவும் வசதி படைத்த இந்த கட்டுரையை வாசிக்கும் நீங்கள், ஆகிய அனைவருமே இஸ்ரோவின் இந்த ஆராய்ச்சி முடிவுகளை அறிந்து கொள்ள வேண்டும். நம்மால் இயன்ற விதங்களில் -தனிப்பட்ட மனிதன் என்ற முறையில் நம் அன்றாட வாழ்வின் நடவடிக்கைகளில் தொடங்கி அரசியல் முடிவுகள் தீர்மானங்கள் வரை- நாம் இது குறித்து பிரக்ஞையை மக்கள் மத்தியில் உருவாக்க வேண்டும். எனவே இது குறித்து நமது பாரத விண்வெளி ஆராய்ச்சி மையத்தினர் என்ன கண்டுபிடித்துள்ளார்கள் என்பதனை காணலாம்.

உலகின் மிக முக்கிய நன்னீர் சேகரிப்பு தளமாக இமாலயம் விளங்குகிறது. துருவப்பிரதேசத்துக்கு வெளியே மிக முக்கியமான பெரும்பனிப்பாறைகளின் உறைவிடமாக இமாலயமே கருதப்படுகிறது. இமாலயத்திலிருந்து உருவாகும் பர்பதி நதியின் மூலமாக விளங்கும் பர்பதி நதியின் பெரும்பனிப்பாறையின் (glacier) மாற்றங்களை தனது ஆராய்ச்சி முடிவின் அறிவிப்பில் இஸ்ரோ வெளியிட்டிருந்தது. 1990, 1998, 2000 மற்றும் 2001 இன் செயற்கைகோள் படங்கள் மற்றும் கள ஆராய்ச்சி தரவுகளின் அடிப்படையில் இந்த முக்கியமான பெரும்பனிப்பாறை ஆண்டுக்கு 52 மீட்டர்கள் பின்வாங்கி செல்வது கண்டுபிடிக்கப்பட்டது. 11 ஆண்டுகளில் இந்த பெரும்பனிப்பாறை 578 மீட்டர்கள் பின்வாங்கி சென்றுள்ளது.இனிவரும் இருபது ஆண்டுகளில் இது 1461 மீட்டர்கள் பின்செல்லும் என கணிக்கப்பட்டுள்ளது. இந்த பின்செல்லல் என்பது சீரான வேகத்துடன் இயங்குவதல்ல. உதாரணமாக 1998 - 2000, இல் 22 மீட்டர் பின்சென்ற இந்த பெரும்பனிப்பாறை 2000-2001 இல் 97 மீட்டர் பின்சென்றது. மிகவேகமாக சிறியதாகும் இந்த பெரும்பனிப்பாறையை நம்பியே 800 மெகாவாட் மின் உற்பத்தி திட்டம் ஒன்று உருவாக்கப்பட்டு வருகிறது என்பது குறிப்பிடத்தக்கது.

ஜனவரி 2007 இல் இஸ்ரோ வெளியிட்டுள்ள இஸ்ரோ ஆய்வறிக்கை இம்மலைத்தொடரில் செனாப், பார்பதி மற்றும் பாஸ்பா ஆகிய இடங்களில் உள்ள 466 பெரும்பனிப்பாறைகளின்
படர்வு பரப்பளவு 1962 இல் இருந்து எவ்விதமாக குறைந்து வருகிறது என்பதனை ஆய்வு செய்துள்ளது.

இந்த ஆய்வு காட்டும் முடிவுகள் அதிர்ச்சி அளிப்பவை. 1962 இல் 2077 சதுர கிலோமீட்டர்கள் பரப்பளவு இருந்த இந்த பனிப்பாறைகள் இன்று 1628 சதுர கிலோ மீட்டர்களாக
குறைந்துள்ளது. 21 சதவிகித பரப்பளவு பனிப்பாறைகளை நாம் இழந்துவிட்டோ ம். கொள்ளளவு எனப்பார்த்தால் 235. க்யூபிக் கிலோமீட்டர்கள் இருந்த பெரும்பனிப்பாறைகளின்
கொள்ளளவு 162.73 க்யூபிக் கிலோமீட்டர்களாக குறைந்துவிட்டது. அதாவது 30.8 சதவிகித கொள்ளவு வீழ்ச்சி.


மேலும் பெரும் பனிப்பாறைகள் சிதிலமடைந்து பல சிறு பனிப்பாறைகளாகியுள்ளன. சராசரியாக ஒரு பனிப்பாறையின் படர்வு (Mean glacial area extent) 1.4 இலிருந்து 0.32 சதுர கிலோமீட்டராக குறைந்துள்ளது. 1 சதுரகிலோ மீட்டருக்கும் குறைவான பரப்பளவு கொண்ட 127 பனிப்பாறையமைப்புகளும் பனிப்புலங்களும் 1962இல் இருந்ததைக் காட்டிலும் 38 விழுக்காடு பரப்பளவு இழந்துள்ளது. ஆக, வளங்குன்றா வகையில் நன்னீர் அளிக்கும் தன்மையினை பின்வரும் காரணிகள் இனிவரும் காலங்களில் கடுமையாக பாதிக்கக்கூடும்.
அக்காரணிகள்: பெரும்பனிப்பாறைகள் சிறுபனிப்பாறைகளாக சிதலமடைகின்றன சிறு பனிப்பாறைகளின் பரப்பளவு சாதாரணமாக பெரும்பனிப்பாறை குறைவதைக் காட்டிலும் வேகமாக குறைந்திடுகின்றது தட்பவெப்ப சூழல் மேல்கூறிய இரு காரணிகளையும் விளைவிக்கிறது.

இது குறித்து விரிவாக விரைவில் எழுதுவேன்.
இஸ்ரோ ஆய்வறிக்கைகளை கீழே காணும் முகவரிகளில் தரவிறக்கம் செய்து கொள்ளலாம்.

• இங்கே:Glacial retreat in Himalaya using Indian Remote Sensing satellite data
  இங்கே:Alarming retreat of Parbati glacier, Beas basin, Himachal Pradesh
  

இது குறித்து திண்ணையில் திரு.ஜெயபாரதனின் கட்டுரைகள்

• மனித வினைகளால் சூடேறும் பூகோளம் பற்றி பாரிஸ் கருத்தரங்கு-1 (IPCC)
  
  
• மனித வினைகளால் சூடேறும் பூகோளம் பற்றி பாரிஸ் கருத்தரங்கு-2 (IPCC)
  
  
• மனித வினைகளால் சூடேறும் பூகோளம் பற்றி பாரிஸ் கருத்தரங்கு-3 (IPCC)
  
  

போனவார இந்தியாடுடேயிலும் இதுகுறித்து வந்துள்ளது என அறிகிறேன், போனவார இந்தியா டுடே தவற விட்டுவிட்டேன். அதில் வந்த விசயங்களை எவராவது பின்னூட்டத்தில்